ძვლის აუგმენტაცია

საჭიროა იმპლანტაციისთვის? ჩვენ დავიბრუნებთ თქვენს ღიმილს მყარ საფუძველზე.

ძვლის აუგმენტაცია — იგივე ყბა სახის ქირურგია — სტომატოლოგიური პროცედურაა, რომელიც მიზნად ისახავს ყბის ძვლის მოცულობის გაზრდას, გაძლიერებასა და იმპლანტაციისთვის მომზადებას. პროცედურა ტარდება, როდესაც ძვლის ბუნებრივი სტრუქტურა ან მოცულობა საკმარისი აღარ არის იმპლანტის ჩასასმელად ან სახის ჰარმონიის აღსადგენად.

რატომ შეიძლება დაგჭირდეთ ძვლის აუგმენტაცია?

• ძვლის აუგმენტაცია აუცილებელი ხდება იმ შემთხვევებში, როდესაც:
• ერთი ან რამდენიმე კბილი დიდი ხნის წინ დაკარგეთ და ძვალი შეიწოვა;
• ძვლის მოცულობა არ არის საკმარისი იმპლანტის ჩასანაცვლებლად;
• ჰაიმორის (წიაღის) ფსკერი დაბლა მდებარეობს და საჭიროა სინუს ლიფტინგი;
• გაქვთ თანდაყოლილი დეფორმაციები (მაგ. სახის ასიმეტრია, განუვითარებელი ყბა, სასის ნაპრალი);
• გსურთ ღეჭვის ფუნქციისა და სახის კონტურის გაუმჯობესება.

როგორ ტარდება პროცედურა?

1. კონსულტაცია და დიაგნოსტიკა.
პაციენტი გადის სტომატოლოგიურ კონსულტაციას. ხშირ შემთხვევაში ინიშნება 3D ტომოგრაფია, რათა ექიმმა ზუსტად შეაფასოს ძვლის მოცულობა და დაგეგმოს მკურნალობა.

2. აუგმენტაცია. (ძვლის აღდგენა)
პროცედურა ტარდება ხელოვნური ან ბიოლოგიური (პაციენტის ან დონორისგან აღებული) ძვლის მასალით. შესაძლებელია სინუს-ლიფტინგი, თუკი ზედა ყბაზეა პრობლემური ზონა.

3. შეხორცება და შემდგომი გეგმვა.
შეხორცების პერიოდი გრძელდება რამდენიმე თვე. ამ დროის შემდეგ შესაძლებელია იმპლანტის ჩასმა, რაც მყარ, ბუნებრივ და ესთეტიკურ შედეგს უზრუნველყოფს.

ყოველთვის საჭიროა ძვლის აუგმენტაცია იმპლანტაციისთვის?
არა. მცირე იმპლანტების შემთხვევაში შეიძლება აუგმენტაცია საჭირო არ გახდეს. ამას კონსულტაციისას განსაზღვრავს თქვენი სტომატოლოგი.

რამდენ ხანს გრძელდება შეხორცება?
საშუალოდ 4–6 თვეა საჭირო სრულად ინტეგრაციისთვის, თუმცა ინდივიდუალურად შესაძლოა ეს დრო განსხვავდებოდეს.

მტკივნეულია პროცედურა?
არა. პროცედურა ტარდება ანესთეზიით და სრულიად უმტკივნეულოა. პოსტოპერაციული დისკომფორტი კონტროლდება ექიმის რჩევებით და საჭიროების შემთხვევაში მედიკამენტებით.

არსებობს შემთხვევები, როცა პროცედურა არ არის რეკომენდებული?
დიახ. მაგალითად, თუ პაციენტს აქვს მძიმე ქრონიკული დაავადება, იმუნოსუპრესია ან აქტიური ინფექცია. ექიმი ინდივიდუალურად შეაფასებს რისკებს და მისცემს რეკომენდაციას.

როგორ მოვუაროთ თავს პროცედურის შემდეგ?

• გამოიყენეთ ყინული შეშუპების შესამცირებლად.
• მოერიდეთ ცურვას, ფრენას და ფიზიკურ დატვირთვას.
• არ მიიღოთ სითხე საწრუპით.
• ნუ მოწევთ.
• დაიცავით პირის ღრუს ჰიგიენა — რბილი ჯაგრისით და ექიმის ინსტრუქციით.