კბილების გათეთრება

ჩვენი ყოველდღიური ცხოვრება სავსეა იმ ნივთიერებებით, რომლებიც კბილების ფერზე ნეგატიურად მოქმედებს — ჩაი, ყავა, ნიკოტინი და სხვა საღებავები თანდათანობით ცვლის მათ ბუნებრივ ტონს. სწორედ ამიტომ, კბილების გათეთრება სულ უფრო პოპულარული პროცედურა ხდება ზოგად სტომატოლოგიაში.

"კოპალ დენტის" სტომატოლოგიური კლინიკა გთავაზობთ კბილების გათეთრების თანამედროვე მეთოდებს — როგორც კლინიკაში ჩასატარებლად, ისე სახლში გამოსაყენებლად სპეციალური ნაკრებით. ჩვენ ვიღებთ სრულ პასუხისმგებლობას თქვენს ბუნებრივ, ჯანსაღ და თვალისმომჭრელ ღიმილზე.

რა იწვევს კბილების ფერის ცვლილებას?

გარეგანი ფაქტორები: ჩაი, ყავა, სიგარეტი და ზოგადი ჰიგიენის ნაკლებობა.

შინაგანი ფაქტორები: მინანქრის თანდაყოლილი ან შეძენილი დაზიანება. (ფლუოროზი, ჰიპოპლაზია, ტეტრაციკლინის კბილები, არხის დაბჟენის შემდგომი გამუქება და სხვ.)

ზოგიერთ შემთხვევაში, როცა მინანქარი არ არის დაზიანებული, პროფესიონალური წმენდაც საკმარისია კბილების ბუნებრივი ფერის დასაბრუნებლად.

კბილების გათეთრების მეთოდები:

ჩვენს კლინიკაში კბილების გათეთრება ტარდება ორი მეთოდით:

კაპებით გათეთრება. (ქიმიური მეთოდი) პაციენტის კბილების ანაბეჭდზე დაყრდნობით მზადდება ინდივიდუალური კაპა. კაპაში თავსდება ექიმის მიერ შერჩეული მათეთრებელი გელი პაციენტი ატარებს კაპას სახლში — დღეში რამდენიმე საათით, ექიმის მითითების შესაბამისად. ეს მეთოდი გამოირჩევა კომფორტულობით, დელიკატურობით და თანდათანობითი ეფექტით. აუცილებელია მკაცრად დაიცვათ გელის გამოყენების რეჟიმი და დრო.

სინათლის აქტივაციით გათეთრება (კლინიკაში)

პროცედურა ტარდება მხოლოდ კლინიკაში. გამოიყენება 30%-იანი წყალბადის პეროქსიდი, რომლის აქტივაციაც ხდება სპეციალური სინათლის სხივით. შედეგი ხილულია მომენტალურად — ერთ ვიზიტზე უსაფრთხო და ეფექტური მეთოდია მათთვის, ვინც სწრაფ შედეგს ეძებს.

საუკეთესო შედეგისთვის ხშირად გამოიყენება ორივე მეთოდის კომბინაცია.

შეიძლება თუ არა ტონის შერჩევა?

დიახ. ჩვენს კლინიკაში შეგიძლიათ შეარჩიოთ თქვენთვის სასურველი თეთრის ტონალობა სპეციალური ფერების სკალის მიხედვით.

რა უნდა გავითვალისწინოთ გათეთრებამდე?

გათეთრებამდე აუცილებლად უნდა ჩაიტაროთ კბილების პროფესიონალური წმენდა, რათა შედეგი მაქსიმალურად ეფექტური და ერთგვაროვანი იყოს.